Le Joueur de flûte

Biztanle egoistaz bete eta auzapez ohoin batek kudeatu hiri batean, arratoiak lanjeroski ugaltzen ari dira. Musikari batek bakarrik lortzen du arazoa konpontzea, bere musikarekin animaliak mendira erakartzeko ahalmena baitu. Baina, hitz eman zitzaion ordainsaria ez duenez eskuratzen, mendekatzea erabakitzen du...

Joachim Latarjetek Grimm anaien Hamelingo txirularia ipuin tradizionala egokitu eta gure mundu garaikidera ekarri du. Umore, seriostasun eta poesiaz beteriko kontakizunean, giza ergelkeriak eta ezjakintasunak sortutako makurrak salatzen ditu, eta horien aurka egiteko balio dezakeen musikaren ahalmen handia goraipatzen du.

Plano horizontal batek (batzuetan baserrialdea besteetan hiria sinbolizatzen duena) eta plano bertikal batek (bideo pantaila bat) osatutako agertokiko baliabide baten bidez, argilunez bete ikuskizuna osatu du, pertsonaien eta egoeren komikotasuna, misterioa eta alde kezkagarria nahasiz. Elkarrizketen eta Alexandra Fleischerrek interpretatutako kantuen fantasiak eta Joachim Latarjeten gitarraren eta tronboiaren soinu eta melodia xarmagarriak ederki uztartzen dira. Ipuinaren jatorrizko indarra berriz agertzen da bikote bikain honi esker. Ikuskizun egokia da haurrak liluratu, izitu, irri eginarazi eta gogoetarazteko, betiere beren interpretazioa egiteko libre utziz.