Batcharte Dantza

Batcharte Dantza Fanny Marmayouren lan koreografiko eta antzerkia babesten duen konpainia gaztea da.

Giza portaeretan inspiratzen da, sakoneko identitatearen nozioa miatzen du.  Dantza garaikide berezi bat eta testua nahasten dituen estetika batekin, zatitxo anitzez egindako piezak sortzen ditu, nolabaiteko narrazio bat sortuz.

Hemen, giza harremanetan indusketak egitea, esperientzia intimoak partekatzea, osatzen gaituenarekin jolastea da helburua.

Batcharte Dantzak transmititzearen nahia badu, eta, horregatik, Fanny Marmayouk Heletan eta Donapaleun gaindi tailer erregularrak emaiten ditu antzerki dantzan, eta hainbat eskoletako proiektuetan  parte hartzen du ere. Gizarte arloan ere oso inplikatua da, hainbat elkarterekin lotuz, adibidez, Aterbearekin.